A+Wallet မှမိမိတို့ မိတ်ဆွေသူငယ်ချင်းများထံ လွယ်ကူစွာ ငွေလွှဲနိုင်ပါတယ်။

A+ အကောင့်မှ ငွေလွှဲလိုပါက ငွေလွှဲနည်းပုံစံ (၄) မျိုးနဲ့ ငွေလွှဲနိုင်ပါတယ်။ A+ အကောင့်နဲ့ ငွေလွှဲမည်ဆိုပါက –

• 1. A+ အကောင့်ရှိသူအချင်းချင်း A+ Wallet App ရဲ့ ငွေလွှဲမှတစ်ဆင့် အလွယ်တကူငွေလွှဲခြင်း
• 2. A+ အကောင့်မရှိသူ ငွေထုတ်တဲ့အခါ ငွေလွှဲလက်ခံတဲ့ဖုန်းနံပါတ်၊ ငွေပမာဏ၊ cash code တို့ဖြင့် မိမိလွှဲလိုသည့် ပမာဏအလိုက် သတ်မှတ်ဝန်ဆောင်ခများဖြင့် ငွေလွှဲခြင်း
• 3. A+ အကောင့်မှ တခြားပြည်တွင်းဘဏ်အကောင့်များထံသို့ ငွေလွှဲခြင်း
• 4. A+ အကောင့်မရှိသူအချင်းချင်း နာမည်၊ ဖုန်းနံပါတ်၊ မှတ်ပုံတင်နံပါတ်တို့ဖြည့်စွက်ပြီး နီးစပ်ရာအေးဂျင့်ထံမှတစ်ဆင့် ငွေလွှဲခြင်း

မိမိနှစ်သက်ရာ နည်းလမ်းနဲ့ ငွေလွှဲနိုင်ပါတယ်။

A+ အကောင့်ထဲသို့ ငွေဖြည့်သွင်းရန်အတွက် နည်းလမ်း (၃) မျိုးကို ရွေးချယ်နိုင်ပါတယ်။

• 1. A bank အကောင့်မှ ငွေသွင်းခြင်း
• 2. MPU ကတ်မှ ငွေသွင်းခြင်း
• 3. A+ အေးဂျင့်ဆိုင်မှ ငွေသွင်းခြင်း

မိမိနှစ်သက်ရာ နည်းလမ်းနဲ့ ငွေဖြည့်သွင်းနိုင်ပါတယ်။

A+ Wallet အကောင့်မှ ငွေထုတ်လိုပါက နီးစပ်ရာ Agent (သို့မဟုတ်) Prime Agent Counter ရှိသော A bank ဘဏ်ခွဲများမှာ ငွေထုတ်ယူနိုင်ပါတယ်။

A+ အကောင့်မှ မည်သည့်အော်ပရေတာအတွက်မဆို ဖုန်းဘေလ်ဖြည့်ခြင်း၊ ဒေတာပက်ကေ့ချ်များဝယ်ခြင်း စိတ်ကြိုက်ပြုလုပ်နိုင်ပါတယ်။ ထို့အပြင် မိမိ မိတ်ဆွေသူငယ်ချင်းများအတွက်လည်း ဖုန်းနံပါတ်ကိုရိုက်ထည့်ပြီး ဖုန်းဘေလ်ဖြည့်ခြင်း၊ ဒေတာပက်ကေ့ချ်ဝယ်ယူပေးခြင်းများ ပြုလုပ်ပေးနိုင်ပါတယ်။

ကိုယ်ချစ်ခင်ရသူတွေနဲ့အတူ ကံကောင်းခြင်းနဲ့ ပျော်ရွှင်ခြင်းတွေ အတူတူ ဝေမျှ ခံစားနိုင်ဖို့ A+ Wallet ရဲ့ Lucky Money မှတစ်ဆင့် မုန့်ဖိုးများ ဖန်တီးမျှဝေနိုင်ပါတယ်။
မုန့်ဖိုးများ မျှဝေဖန်တီးမယ့်သူအနေဖြင့် မုန့်ဖိုးဖန်တီးမည် ကိုနှိပ်ပြီး မိမိမျှဝေလိုသည့် ငွေပမာဏ၊ PIN နံပါတ်သတ်မှတ်ပြီး လူအရေအတွက်သတ်မှတ်ကာ Link မှတစ်ဆင့် ပြန်လည်မျှဝေနိုင်ပါတယ်။
မုန့်ဖိုးယူမယ့်သူအနေဖြင့် မျှဝေထားတဲ့ Link ကိုဝင်ပြီး PIN နံပါတ်ဖြည့်ကာ ရယူနိုင်ပါတယ်။

A Card မှတစ်ဆင့် A bank MPU Credit ကတ်နှင့် Debit ကတ်များကို Activate ပြုလုပ်ပြီး ငွေသွင်း၊ ငွေထုတ်အပြင် ကတ်နှင့်ပတ်သက်တဲ့ လုပ်ငန်းစဉ်များကို စိတ်ကြိုက်စီမံနိုင်ပါတယ်။

A Shop မှာ အစားအသောက်၊ Fashion နဲ့ အလှကုန်ပစ္စည်းများအပြင် အိမ်သုံးနဲ့ လျှပ်စစ်ပစ္စည်းတွေကိုပါ Local Shop နဲ့ Official Store တွေကနေ အလွယ်တကူ ဝယ်ယူနိုင်မှာဖြစ်ပါတယ်။

A+ Wallet ရဲ့ “တခြားပေးချေမှုများ” မှာ အွန်လိုင်းကနေ ဈေးဝယ်တာမျိုးလုပ်လို့ရတဲ့အပြင် ဘေလ်ပေးဆောင်မှုတွေလည်း အစုံအလင် ပြုလုပ်နိုင်တယ်နော်။

မိမိ A+ အကောင့်နဲ့ ဘယ်နေရာမှာ ဘာတွေသုံးခဲ့လဲဆိုတာကို အသေးစိတ် ပြန်ကြည့်နိုင်မယ့် A+ Wallet ရဲ့ လုပ်ဆောင်ချက်တစ်ခုဖြစ်ပါတယ်။ ကိုယ့် A+ နဲ့ ချိတ်ဆက်ထားတဲ့ A bank အကောင့်စာရင်းတွေ၊ Card တွေနဲ့ ရရှိထားတဲ့ Point တွေအပြင် ငွေအဝင်အထွက်စာရင်းကိုလည်း အလွယ်တကူ ပြန်လည်ကြည့်ရှုနိုင်မှာဖြစ်ပါတယ်။

A Lifestyle ကတော့ ကိုယ့်နေ့စဉ်ဘဝ လိုအပ်ချက်တွေကို A+ Wallet App ရှိရုံနဲ့ ကိုယ့်စိတ်ကြိုက် စီမံခန့်ခွဲသွားနိုင်မယ့် လုပ်ဆောင်ချက်တစ်ခု ဖြစ်ပါတယ်။
ဒီလုပ်ဆောင်ချက်မှာ အလှအပ၊ ကျန်းမာရေးနဲ့ သွားနှင့်ခံတွင်းဆိုင်ရာ ဝန်ဆောင်မှုတွေကို

• Exclusive Package တစ်ခုချင်းစီအလိုက် Booking လုပ်ခြင်း
• နှစ်သက်ရာ Specialist ကို ရွေးချယ်နိုင်ခြင်း
• အချိန်ကအစ ကိုယ့်စိတ်ကြိုက် ရွေးချယ်ပြီး Purchasing အဆင့်ထိ

App တစ်ခုထဲမှာပဲ လွယ်ကူအဆင်ပြေစွာ ခံစားရရှိသွားနိုင်မှာ ဖြစ်ပါတယ်။

A+ အကောင့်အချင်းချင်း အလွယ်တကူ ငွေတောင်းခံနိုင်မယ့် လုပ်ဆောင်ချက်တစ်ခုဖြစ်ပါတယ်။ မိမိ မိတ်ဆွေသူငယ်ချင်းတွေထံသို့ Request လေး ပို့လိုက်ရုံနဲ့ ငွေတောင်းခံနိုင်မှာဖြစ်လို့ မုန့်ဖိုးတောင်းလိုတဲ့အခါ၊ မိမိစိုက်ထားရတဲ့ ပိုက်ဆံတွေပြန်တောင်းလိုတဲ့အခါမျိုးမှာ အသုံးပြုနိုင်ပါတယ်။
ငွေတောင်းခံတဲ့အခါ မိမိ တောင်းခံလိုတဲ့ A+ အကောင့်ရဲ့ ဖုန်းနံပါတ်ကိုထည့်၊ ငွေပမာဏဖြည့်စွက်ကာ မှတ်စုရေးသားပြီး တောင်းခံနိုင်ပါတယ်။

A+ Wallet ရဲ့ ဘေလ်ခွဲပေးမည်က လူအရေအတွက်အလိုက် အညီအမျှငွေရှင်းနိုင်အောင် ပြုလုပ်ပေးမယ့် Feature တစ်ခု ဖြစ်ပါတယ်။

ဘေလ်ခွဲပေးမည်ကို အသုံးပြုဖို့ –

• 1. ပင်မစာမျက်နှာက ဘေလ်ခွဲပေးမည် ထဲဝင်
• 2. စုစုပေါင်းဘေလ်ပမာဏကို ရိုက်ထည့်
• 3. အညီအမျှခွဲဝေမည် ကိုနှိပ်ပြီး ကိုယ်နဲ့ဘေလ်ခွဲရှင်းပေးမယ့်သူ A+ ဖုန်းနံပါတ်ကို ထည့်သွင်းပေးရုံပဲဖြစ်ပါတယ်။

မိမိ A+ အကောင့်ကို ငွေတောင်းခံထားခြင်း၊ ငွေတောင်းခံမှ လက်ခံရရှိထားခြင်းနှင့် မိမိထံ တခြား A+ အကောင့်မှ ငွေတောင်းခံထားတဲ့ မှတ်တမ်းများကို ကြည့်ရှုနိုင်ပါတယ်။

မိမိ A+ အကောင့်ရဲ့ အသုံးစရိတ်စာရင်းကို စိတ်ကြိုက်စီမံနိုင်ပြီး တစ်လအသုံးစရိတ်ကို ကြိုတင်သတ်မှတ်ထားနိုင်မယ့် လုပ်ဆောင်ချက်တစ်ခုဖြစ်ပါတယ်။

တည်နေရာများတွင် A bank ဘဏ်ခွဲတည်နေရာများ၊ အေးဂျင့်တည်နေရာများနှင့် A+ Wallet မိတ်ဖက်ဆိုင်များကို ကြည့်ရှုနိုင်ပါတယ်။

မိမိ A+ အကောင့်မှာ A bank ငွေစုအကောင့်ကို ချိတ်ဆက်ပြီး စီမံအသုံးပြုနိုင်မယ့် လုပ်ဆောင်ချက်တစ်ခု ဖြစ်ပါတယ်။ ချိတ်ဆက်ပြီးတာနဲ့ A+ Wallet App မှာပဲ ငွေလွှဲ၊ ဖုန်းဘေလ်ဖြည့်၊ ဘေလ်ပေးဆောင်၊ ငွေပေးချေ စတဲ့လုပ်ဆောင်ချက်တွေကို မိမိနှစ်သက်သလို အသုံးပြုနိုင်မှာဖြစ်ပါတယ်။

A+ အကောင့်ကို ဝင်ရောက်ရာတွင်နှင့် အသုံးပြုရာတွင် အချိန်ကုန်သက်သာပြီး ငွေကြေးလုပ်ဆောင်မှုများ အဆင်ပြေစေရန်အတွက် Face ID (သို့မဟုတ်) Fingerprint ဖြင့် အသုံးပြုနိုင်မယ့် စနစ်ဖြစ်ပါတယ်။ ဤစနစ်ကို အသုံးပြုနိုင်ရန်အတွက် A+ Wallet App မှ ပရိုဖိုင်ထဲရှိ Biometric စနစ်နှင့် လုပ်ဆောင်ချက် PIN ကို နှိပ်ပြီး အကောင့်ဝင်ရောက်ခြင်းနှင့် လုပ်ဆောင်ချက် စီစစ်ခြင်းကို ဖွင့်ထားပေးရန် လိုအပ်ပါတယ်။

အင်တာနက်ဘေလ်ပေးဆောင်မှုများအား A+ Wallet အက်ပ်လီကေးရှင်းမှတဆင့် လွယ်ကူစွာပေးဆောင်နိုင်ပါသည်။ ဥပမာ – Ananda Eload, Mahar Net, MPT (B2B Payment), MPT (B2C Payment), OK Link, Ooredoo FTTH, True Net, UC Link

A+ Wallet App ၏ Gift Card မှတစ်ဆင့် iTunes Gift Card များကို မိမိစိတ်ကြိုက်ဝယ်ယူနိုင်ပါသည်။

မိမိ၏ A+ Wallet အကောင့်နှင့် A bank အကောင့်ကို ချိတ်ဆက်ပြီး အသုံးပြုနိုင်ပြီး ငွေသွင်း၊ ငွေလွှဲ၊ ဖုန်းဘေလ်ဖြည့်၊ ဘေလ်ပေးဆောင်၊ ငွေပေးချေ စသည့် မိမိနှစ်သက်သလို အသုံးပြုနိုင်ပါသည်။

မိမိရထားတဲ့ A+ Point များကို ဝင်ကြည့်နိုင်မှာဖြစ်ပြီး Point တွေကိုလည်း လျှော့ဈေးတွေခံစားခွင့်ရှိမယ့် A+ Coupon တွေနဲ့ ပြန်လည်လဲလှယ်နိုင်မှာဖြစ်ပါတယ်။